02-06-2023
No ’t it spylfjild foar it grutste part ree is en de technyk goed begjint te wurkjen, starte wy foar it earst mei it oefenjen op lokaasje. It hiele team sjocht der al in skoftke nei út. Ast jûns op in ôfstantsje nei Bantegea sjochst silst dy fansels ôffreegje wat dêr yn ‘e fierte allegearre bart. In spektakel?
31-05-2023
Oan de lêste oanpassingen oan it dekôr en it spylfjild wurdt noch hurd wurke. We binne hast klear en dat moat ek wol… , oer ien wike is it al sa fier. Wy sjogge der geweldich nei út!
16-05-2023
De twadde wike oefenjen op lokaasje, dêr ’t it dekôr hieltyd mear foarm begjint te krijen. Mei op de foargrûn de poster, dy ’t je no op ferskate plakken sjogge op ynfalsdiken yn de omjouwing.
09-05-2023
Moandei 8 maaie wie de earste repetysje op lokaasje. Tanksij in fleksibele en hurd wurkjende bouploech dy ’t it spylfjild makke hat. It waar wurke mei, drûch en in prima temperatuer. No mar hoopje dat it waar ús in bytsje meisitte sil.
26-04-2023
Sneakpeak! De spilers binne drok oan it repetearjen. Nijsgjirrich nei it einresultaat? Kom dan nei ien fan de foarstellings op 8, 9, 10, 13, 16 of 17 juny!
19-04-2023
Nei in wikenlange tarieding is it safier… , in part fan it spylfjild op it wetter is klear. Mei tank oan ús hurdwurkjende en kreative bouploech!
04-04-2023
De tariedingen foar De Sunderes binne yn folle gong. De kleankommisje is drok dwaande mei it úttekenjen fan de patroanen en it knippen fan de stoffen. Dêrnei mei elkenien achter de naaimasine. Wat binne wy bliid mei ús frijwilligers! Sûnder harren wie dit alles net mooglik.
24-03-2023
Regisseur Regina Visser tegearre mei assistint regisseur Marc van der Veen en de bouploech op lokaasje yn oerlis wat der allegearre barre moat om it spylfjild yn te rjochtsjen foar it iepenloftspul. In hiele útdaging mei alle objekten op it wetter. De kolk hat op plakken in djipte fan hast 10 meter. Enoarme útdagingen foar de bouploech dy ’t dêr gelokkich wol ried mei wit.
19-03-2023
De spyldata sille noch oanpast wurde. Der komme no yn stee fan 9 foarstellingen, 6 foarstellingen dy ’t yn de perioade fan 8 oant 17 juny plak fine sille. Sadree ’t de nije datums bekend binne, pleatse wy se fuort op de webside.
01-03-2023
De haadpriis fan ús aksje “ Doch mei en win ” mei de okkerdeis holden winterkuier is wûn troch Lieuwe Dijkstra en Arianne Vincenten. Se krije 2 frijkaartsjes foar “ De Sunderes ” op in datum nei kar. Fan herte lokwinske!
